روسیې  امریکا  په سوریه کې د تیلو په قاچاق  تورن کړ.

د روسیې  د ستر درستیزوالۍ  د عمومي عملیاتو ته  د ریاست رئیس  سرګي رودسکوی  ویلي دي چې  امریکا  په سوریه کې د فرات سیند په ختیځو برخو کې د  کوردانو او عربانو  سره  د تیلو د قاچاق په بدل کې  د  وسلو مرستې کوي.

هغه دا خبره  د روسیې  د دفاع په وزارت کې  د سوریې د وضعیت په اړه خبري غونډې ته وکړې.

هغه وویل چې  په سوریه کې امریکايي ځواکونو  د فرات سیند ختیځو برخو کې د نفتو ټول کوهیان  تالان کړي دي.

هغه وویل چې امریکايي ځواکونه په سوریه کې  د مخالفینو  د روزلو  په بهانه  د تیلو د کوهیانو په لوټولو  مصروف  دي. امریکا  د فرات سیند ختیځو برخو کې  د نفتو ټول کوهیان  لوټ کړل.

هغه وویل چې پدې وروستیو کې  په سوریه کې  د امریکا د نفتو د خصوصي شرکتونو اړوند د سرتیرو شمیره  د پام وړ لوړه شوې ده . په سیمه کې د امریکايي خصوصي سرتیرو  شمیره  د ۳۵۰۰ تنو ته  اوښتې ده.

هغه وویل چې  امریکا د فرات سیند په ختیځو برخو کې  د نفتو د کوهیانو نه  د نفتو راویستو چارو ته دوام  ورکوي. امریکا د سوریې ملي شتمنۍ  لوټولو ته  دوام  ورکوي. همداشان  د فرات سیند په ختیځو برخو کې د امریکايي سرتیرو د شمیرې زیاتیدو  د ټولو سره اندیښنې راپیدا کړي دي. امریکا په سیمه کې د کوردانو او عربانو سره  د تیلو د قاچاق په بدل کې د وسلو او مهماتو مرسته کوي. وروسته  نوموړي د یو بل په مقابل کې  تحریکوي او په جنګ يي اچوي. امریکا  هغوې په جنګ اچوي او په منځ کې د سیمې ټول تیل  لوټي. په سیمه کې د ټولو ستونرو لامل امریکا ده .