په اندونیزیا کې د مړو شمیره د لوړیدو په حال کې ده
په اندونیزیا کې دوه ورځې مخکې د رامنځته شوي سونامي له امله د مړو شمیره ۳۷۳ تنو ته لوړه شوه.
د اندونیزیا د ناورین پر وړاندې د مبارزې ادارې ویلي دي چې د دسمبر په ۲۲ مه نیټه د سوماترا او جاوا د ټاپوګانو ترمنځه سونډا په تنګي کې د رامنځته شوي سونامي په پایله کې د مړو شمیر ۳۷۳ تنو ته لوړه شوې ده .
پدې پیښه کې ۱۴۵۹ تنه ټپيان شوي دي او ۱۲۸ تنه اوس هم لا درکه دي.
يادې شوې ادارې ویلي دي چې په سونامي ځپلو سیمو کې د ژغورنې او خلکو د تخلیې چارې اوس هم دوام لري. یو زیات شمیر سیمې شتون لري چې د ژغورنې ډلې تر اوسه ورته رسیدلي ندي.
یادې شوې ادارې ویلي دي چې کیدای شي چې د مړو شمیره لا پسې لوړه شي.
د ویلو ده چې په اندونیزیا کې د اناک کراکاتاو په غره کې د اورشیندنې د پیلیدو په پایله کې دا سونامي رامنځته شو.
د تیرې سپټمبر په میاشت کې هم د اناک کراکاتاو په غره کې د اورشیندنې د پیلیدو له امله د سونامي خبرداری ورکړ شوی وو.
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.