په امریکا کې په یوې کنیسه وسله وال برید وشو

د امریکا متحده ایالتونو د پنسلوانیا  ایالت  د پیتسبرګ  په ښار کې په یوې کنیسه  وسله وال برید وشو.

د لومړنیو معلوماتو له مخې  پدې برید کې  لږ تر لږه ۸ تنو ژوند د لاسه ورکړی دی.

د امریکا نه د ترلاسه  شوي  رپوټ  له مخې  د پنسلوانیا  ایالت د پیتسبرګ  په ښار کې یو تن برید کوونکی  یوې کنیسه ته ننوت  او په عبادت کوونکو  ډزې  پیل کړې.

ویل کیږي د برید نه وروسته  یو زیات شمیر  پولیس، امبولانسونه، ژغورنې ډلې  او روغتیايي  پرسونل  سیمې ته استول شوي دي.

پولیسو ویلي  دي  چې  برید کوونکی  تسلیم شوی دی.

د برید کوونکي هویت  ندی  په ډاګه شوی دی. همداشان د برید انګیزه او لامل   ندی معلوم.