پاراګوای د بیت المقدس په اړه مهمه پریکړه وکړه.
پاراګوای په اسراییلو کې خپل سفارت بیرته تل ابیب ته انتقالوي
پاراګوای د بیت المقدس په اړه مهمه پریکړه وکړه. پاراګوای چې یو څه موده مخکې په اسراییلو کې خپل سفارت د تل ابیب نه بیت المقدس ته انتقال کړی وو اعلان وکړ چې هر څه ژر به يي بیرته تل ابیب ته انتقال کړي.
د پاراګوای د بهرنیو چارو وزیر لویز البیرتو ویلي دي چې په اسراییلو کې به خپل سفارت چې د تیرې مې په میاشت کې بیت المقدس ته انتقال کړی وو په نږدې راتلوونکې کې بیرته تل ابیب ته انتقال کړي.
هغه ویلي دي چې پاراګوای په منځني ختیځ کې د عادلې، تل پاتې او هر اړخیزې سولې د ټینګښت په خاطر د سیمه ایزو ډیپلوماتیکو هلو ځلو نه پوره ملاتړ کوي.
اسراییلو حکومت بیا د پاراګوای ددې پریکړې په غبرګون کې په نوموړي هیواد کې د خپل سفارت د تړولو پریکړه کړې ده .
د اسراییلو د لومړي وزیر د دفتر لخوا په خپور شوي بیان کې راغلي دي چې حکومت په پاراګوای کې د اسراییلو د سفارت د تړولو او سفیر د سلامشورو په خاطر هیواد ته رابللو پریکړه کړې ده .
د یادولو وړ ده چې پاراګوای د مې په ۲۱ مه نيټه د امریکا او ګواتامالا نه وروسته د تل ابیب نه خپل سفارت بیت المقدس ته انتقال کړی وو.
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.