په جاپان کې د جیبي د توپان له امله د مړو شمیره  ۱۱ تنو ته لوړه شوه.

د ویلو ده چې  په جاپان کې دا توپان د تیرو ۲۵ کلونو په دوران کې تر ټولو  زورور  توپان  بلل شوی دی. د نوموړي توپان له امله  تر ۳۰۰ تنو ډیر کسان  ټپيان شوي دي.

ویل کیږي  د هغه سیمې نه چې توپان پکې رامنځته شوی دی  د خلکو تخلیه  پیل شوې ده .

په سیمه کې  نږدې دوه میلیونه تنه ژوند کوي.

د توپان  سرعت په في ساعت کې تر ۲۰۰ کیلومتره  رسیږي. ویل کیږي  د توپان  یو زیات شمیر ونې  د سټو نه  راویستي  او د سمندر غاړې هر څه يي  سمندر ته ګوزار کړي دي.

د نوموړي توپان  له امله  په سلګونو موټرو ته  زیان  رسیدلی دی. توپان  یو زیات شمیر کښتۍ  وچې ته راکاږلي دي.

د ویلو ده چې د نوموړي  توپان له امله د کانسای  هوايي ډګر  د اوبو لاندې شوی دی.

د هوايي دګر نه  ۳ زره تنه مساپر  په کښتیو کې  تخلیه شوي دي.

همداشان  توپان  له امله  د هوايي ډګر  ته غځیدلې  لویې لارې  او د اوسپنې پټلۍ  زیانمنې شوي دي.

اوس هم  په زرګونو تنه مساپر په هوايي ډګر کې د ژغورنې انتظار باسي.

د همداشان د هوايي ډګر  په یو زیات شمیر برخو برښنا هم  قطع شوې ده.