شمالي کوریا د امریکا سره په اړیکو کې یو بل ډیر مهم ګام اوچت کړ

شمالي کوریا  د ۱۹۵۰ او ۵۳ کلونو ترمنځه د کوریا په جوړه کې د وژل شوو امریکايي سرتیرو هډوکې  او پاتې شوني امریکا متحده ایالتونو ته  وسپارل.

د کوریا د جګړې  د اوربند د تړون په ۶۵ کیلزه  کې  شمالي کوریا  پدې جګړه کې د وژل شوو امریکايي سرتیرو هډوکي  او پاتې شوني  د وانسان د ښار د کالما د هوايي دګر نه  په عسکري الوتکه کې  په سویلي کوریا کې د امریکايي ځواکونو  د اوسان پوځي هډې ته  واستول.

پداسې حال کې چې امریکا او شمالي کوریا  دا ندي ویلي چې  امریکا ته  د څو تنو سرتیرو  هډوکې او پاتې شوني سپارلي  خو  ځینو برخو بیا  د ۵۵ تابوتونو  د سپارولو نه  یادونه کړې ده .

ویل کیږي  د نوموړو امریکایي سرتیرو مړي به د امریکا د هاوايي ایالت  عدلي طب ته واستول شي.

همداشان  مړي عدلي طب ته د تسلیمولو نه مخکې به  امریکا ته د اعاده کولو په خاطر  ځانګړي مراسم  جوړ شي.

د امریکا  ولسمشر دونالد ټرمپ  ددې پرمختګ په اړه  ډیره  زیاته خوښي وښوده او د ټولنیزې مډیا له لارې په خپور کړي پیغام کې د شمالي کوریا د ولسمشر کیم جونګ اون نه  مننه وکړه.

هغه پدې اړه په خپور کړي پیغام کې ویلي دي چې ډیر ژر به د کوریا په جګړه کې د وژل شوو امریکايي سرتیرو هډوکې او پاتې شوني  امریکا ته راوستول شي.

دا به د هغه  سرتیرو د کورنیو لپاره  ډیرې نه هیریدونکې شیبې وي. مننه کیم جونګ اون.