په امریکا کې شدیدو بارانونو او توپان په سلګونو کورونه په اوب کې ډوب کړي دي

د امریکا متحده ایالتونو په مرکزي  سیمو کې  شدیدو بارارنونو  او زورور توپان  د ژوند چارې په ټپه درولي دي.

د امریکا د میشیګان، کنتاکي او ارکانساس  په ایالتونو کې  شدیدو بارارنونو  او  زورور توپان  له امله  لږ تر لږه  ۵ تنو ژوند  د لاسه ورکړی  دی او په سلګونو کورونه  د اوبو لاندې شوي دي.

د امریکا د هوا پیژندنې  د ادارې  د معلوماتو له مخې  په مرکزي  سیمو کې  د توپان  سرعت په ساعت کې  ۸۰ کیلومتره وو. ددې زورور توپان له امله  د سلګونو کورونه  چتونه  نړیدلي دي.

ویل کیږي  توپان له امله  د برښنا  عمومي  مزو  هم  زیان  لیدلی دی چې  تر شلو زرو ډیر کورونه  د برښنا  د نعمت نه محروم  شوي دي.

په کینتوکي  ایالت کې  ۶۴ لویې لارې  د سیلاونو له امله  د ټرافیک پر مخ  تړل شوي دي.

همداشان  د زورورو توپانونو له امله  میسوري، انډیانا او لینویس  په ایالتونو کې بیړنی حالت  اعلان شوی دی.

امریکايي  چارواکیو ویلي دي چې  پدې طبعي  پيښو کې تر اوسه پورې  ۵ تنو ژوند د لاسه ورکړی  او ګن شمیر کسان  ټپیان شوي دي.