د هند حکومت د هندي مسلمانانو سره د حج مرستې ودرولې

د هندوستان  حکومت  د نوموړي هیواد د مسلمانانو سره  د حج د فریضې د ادا کولو پر مهال  ترسره کیدونکې مالي مرستې ودرولې.

د هندوستان د لږه کیو د چارو وزیر مختار عباس نقوي وویل چې د هندوستان حکومت  د ۱۹۵۹ کال راهیسې  هر کال په منظم ډول سره  د هندي مسلمانانو سره  د حج د فریضې د ادا کولو پر مهال  مالي مرسته کوله. حکومت  د سږ کال نه په اعتبار سره  د نوموړو مرستو د درولو  پریکړه وکړه.

د هغه په وینا  د هند حکومت  مسلمانانو سره   حج ته د سفر پر مهال نیمايي د لارې مصرف  مرسته کوله. د الوتکې د ټکټ  نیمايي پيسې  د هند د حکومت لخوا ورکول کیدې.

هغه وویل چې حکومت پریکړه کړې چې دا مرستې ددینه وروسته  د لږه کیو د ماشومانو  په زده کړه  په مصرف ورسوي.

د هندوستان د لږه کیو د چارو د وزیر په وینا  د حکومت لخوا پر مسلمانانو د حج د مرستې  د پرې کولو سره سره سږ کال  ۱۷۵ زره تنه  غواړي  حج فریضه ادا کړي. هغه وویل چې دا  د هندوستان لپاره  یو ریکاټ  دی.

هغه زیاته کړه چې  د هند حکومت  د سعودي عربستان سره  هندي حاجیان د سمندر له لارې  نوموړي هیواد ته د سفر کولو په برخه کې  مطابقت لاسلیک کړی دی. په نږدې راتلوونکې کې به دواړو هیوادونو ترمنځه پدې برخه کې تړون لاسلیک شي .

د ویلو ده چې  په هندوستان کې  حکومت هر کال  مسلمانانو سره  حج ته د تلو پر مهال  د الوتکې د ټکټ  نیمايي مصرف  مرسته کوله.

همداشان  ددې مسلې نه  ځینې برخې ناراحته وې.

د هند  سترې محکمې په ۲۰۱۲ کال کې  پریکړه وکړه چې حکومت باید  تر ۲۰۲۲ کاله پورې  مرحله په مرحله  نوموړې مرستې ودروي.