په جنګي جنایتونو تورن جنرال د ټولې نړۍ د سترګو په مخکې زهر وخوړل او ځان وژنه يي وکړه

د بوسنیا  په جګړه کې په جنګي جنایتونو  تورن  کروشیايي  جنرال  د محکمې لخوا د شلو کلونو په بند د محکومیدو  سره  په محکمه کې د قاضیانو او ټولۍ نړۍ د سترګو پر وړاندې  د زهرو په خوړولو  سره  ځان واژه.

محکمې  خپل نهايي حکم  د کروشیايي جنرال  په حضور کې  اعلان کړ. کروشیايي  جنرال  سمدلاسه  یو کوچنی بوتل  خولې کړ او د څښلو نه وروسته يي  قاضیانو ته وویل چې  زهر يي  وخوړل.

پيښه  د هالنډ د لاحه په ښار کې  د پخواني  یوګوسلاویا  د جزا په نړۍواله محکمه کې  رامنځته شوه.

کروشیايي  جنرال  چې د بوسنیا  په جګړه کې په جنګي جنایتونو  تورن او محکمې لخوا په شلو کلونو بند  محکوم شوی وو  د محکمې په پریکړې د اعتراض له امله  تمیز محکمې ته  مراجعه  کړې وه. تمیز محکمې هم  نوموړی  پړ وباله  او د هغه په حضور کې  د تیرې محکمې حکم  تایید کړ.

۷۲ کلن کروشیايي  جنرال  سلوبودان پراژاک  د محکمې د حکم  د اوریدو نه سمدلاسه وروسته  په محکمه کې زهر  وخوړل  او ځان وژنه يي وکړه.

د محکمې قاضي  د پيښې نه سمدلاسه وروسته  ډاکټر  راوغوښت او کروشیايي جنرال يي  روغتون ته د رسولو حکم وکړ.

کروشیايی  جنرال په روغتون کې  څو ساعته وروسته  ساه ورکړه.

د کروشیا  دولتي تلویزیون  د ۷۲ کلن  جنرال  د مرګ خبر  اعلان کړ.

د ویلو ده چې  کروشیايي  جنرال  په ۲۰۱۳ کال کې د محکمې لخوا په شلو کلونو بند محکوم شوی وو. نوموړي  د محکمې  پدې  حکم  اعتراض کړی وو  او دعوا يي تمیز محکمې ته انتقال کړې وه.