شمالي کوریا یو ځل بیا امریکا ته ګواښ وکړ.
شمالي کوریا ویلي دي چې هر شیبه چې وغواړي د امریکا جنګي کښتۍ په سمندر کې ډوبولی شي
شمالي کوریا یو ځل بیا امریکا ته ګواښ وکړ.
امریکا متحده ایالتونو چې د شمالي کوریا د اټومي ازمایښت د مخنیوي او یا هم د نوموړي هیواد د ډارولو په موخه کوریا ټاپو وزمې ته د الوتکو د کښتۍ سربیره یو زیات شمیر جنګي کښتۍ استولي دي ، شمالي کوریا بیا امریکا کړی دی چې « ټولې کښتۍ به مو په سمندر کې ډوبي کړو. »
د شمالي کوریا د کارګر ګوند رسمي خبري ارګان رودونګ سینوم ویلي دي چې د شمالي کوریا پوځ خپلو جنګي بیړیو ته د سیمې پر لورې د روانیدو امر کړی دی. همداشان شمالي کوریا ویلي دي چې ددوې سمندري ځواکونه د کوریا په ټاپو وزمه کې د امریکا د کارل وینسون په نامه د جنګي الوتکو د کښتۍ سربیره د ټولو جنګي کښتیو د لمنځه وړ او په سمندر کې په ډوبولو قادر دي. شمالي کوریا ویلي دي « هر شیبه چې وغواړي د امریکا جنګي کښتۍ له منځه وړلی شي.»
همداشان په یاد شوي خبري اژانس کې د شمالي کوریا د کارګر ګوند لخوا په خپره شوې مقاله کې راغلي دي چې « د شمالي کوریا لخوا نړۍ ته د خپل عسکري ځواک او طاقت د ښودلو په خاطر د امریکا جنګي کښتۍ په سمندر کې ډوبول به تر ټولو غوره لار وي. زمونږ انقلابي ځواکونه یواځې په یو ګوزار کې د امریکا تر ټولو د لویې کښتۍ چې په اټومي وسلې سمبال ده د لمنځه وړو او په سمندر کې ډوبولو ته هر ډول تیاری لري.»
د امریکا ولسمشر دونالد ټرامپ د نوموړي هیواد تر ټولو لویې او د جنګي الوتکو کښتۍ او نورو جنګي کښتیو ته کوریا ټاپو وزمې ته د تلو امر کړی دی. امریکا ولسمشر دا اقدام د شمالي کوریا لخوا پرله پسې د بالستیک توغندیو د ازمایښتونو په غبرګون کې وکړ.
د ویلو ده چې د تیرو دوو میاشتو راهیسې په دومداره توګه امریکا او شمالي کوریا یو بل ته ګواښونه کوي.
اړوند خبرونه
په هند کې په یوې فابریکه کې د چاودنې له امله په لسګونو تنو ته مرګ ژوبله اوښتې
د هند په مهاراشترا ایالت کې په یوه فابریکه کې د چاودنې او ورپسې اور لګیدنې له امله ۹ تنه وژل شوي دي.