د هرمز په تنګي کې د ایران او امریکا ترمنځه  کړکیچ دوام لري.

د هرمز په تنګي کې د ایران او امریکا ترمنځه  کړکیچ دوام لري.

د امریکا  متحده ایالتونو د دفاع وزارت پنټاګون  اعلان کړی دی چې  د هرمز په تنګي کې  د ایران سمندري ځواکونو  ددوې د لوې څارونکې  کښتۍ  مخه ونیوله  او کښتۍ  يي د مسیر بدلولو ته  مجبوره کړې ده .

د پنټاګون ویاند  ډګروال  جیف داوس  ویلي دي چې  د ایران انقلاب ساتوونکو ځواکونو اړوند  د هجوم کښتیو  د هرمز تنګي نه  د امریکا څیړونکې بیړۍ  چې  د تحت البحیري توغندیو د تثبیت په رادار  سمبال  ده  د تیریدو پر مهال  مخه نیولې ده. بیړۍ يي  د مسیر بدلولو ته  اړ ویستې ده .

ویاند  ویلي دي چې  ایراني سمندري ځواکونو دا کار  په ډیره غیرې مسلکي توګه  ترسره کړی او ددوې بیړۍ د ګواښ او خطر سره  مخامخ کړې ده .

هغه ویلي دي چې ایراني سمندري ځواکونو  دوه ورځې مخکې د عمان  په سمندر کې هم  د ددوې  په یادې شوې بیړۍ  تیری کړی دی  او د کښتۍ تر ۱۵۰ مترۍ پورې رانږدې شوي وو.

ایران بیا د مسلې په اړه څه ندي ویلي.