روسیې په سوریه کي دفاعي توغندیو سیستم نصب کړ

امریکا  متحده ایالتونو  د روسیې لخوا په سوریه کې  د دفاعي توغندیو د سیستم  د ځای په ځای کولو ادعا کړې ده .

د امریکا  دریو تنو جګپوړو عسکري چارواکیو  د نوموړي هیواد د فوکس نیوز تلویزیوني کانال سره په مرکه کې  وویل چې  روسیې په سوریه کې  SA 23    ګلادیاتور  د انتي بالستیک توغندیو  دفاعي سیستم  ځای په ځای کړی دی .

نوموړو ویلي دي چې  روسیې  د دفاعي توغندیو دا سیستم  تیره اوونۍ  د سوریې د طرطوس  بندر ته  انتقال کړی وو.

نوموړو امریکايي چارواکیو ویلي دي چې  روسیه د لومړي ځل لپاره دا دفاعي سیستم  د خپل هیواد د پولو نه بهر په بل هیواد کې ځای په ځای  کوي.

نوموړو امریکايي عسکري چارواکیو ویلي دي چې روسیې  د تیر کال د نوامبر په میاشت کې د ترکیې لخوا د سوریې په خاوره کې د نوموړي هیواد د جنګي الوتکې د ویشتو نه وروسته په سوریه کې S 400 ډوله توغندیو دفاعي سیستم  ځای په ځای کړی وو.