میانمار  حکومت په اراکان ایالت کې  د ۱۲ جوماتونو د ورانولو  پریکړه وکړه.

میانمار  حکومت په اراکان ایالت کې  د ۱۲ جوماتونو د ورانولو  پریکړه وکړه.

د میانمار  حکومت  د اراکان په ایالت کې  پر مسلمانانو  ظلمونو ته دوام  ورکوي. د میانمار  د امنیت او سرحداتو وزیر  په اراکان ایالت کې  د ۳ زرو ودانیو د ورانولو  د پریکړې نه خبر ورکړ. پدې  ودانیو کې  ۱۲ جوماتونه  او ۳۵ دیني ښوونځي  هم  شتون لري.

د میانمار د امنیت او سرحداتو وزیر وویل چې  په سیمه کې د غیرې قانوني  او قاچاق ودانیو  د ورانولو په لړۍ  پیل کړی دی. هغه ویلي دي چې پدې سیمه کې  ۱۲ جوماتونه هم په غیرې قانوني  توګه جوړ شوي دي چې  د ورانولو پریکړه شوی ده.

د میانمار د امنیت او سرحداتو وزیر  د نوموړي هیواد وایس ډیلي ورځپاڼې سره په مرکه کې ویلي دي چې  نوموړي  ۳ زره  غیري قانوني  ودانۍ  به د قانون په چوکاټ کې  ورانې شي.

د ویلو ده چې  یادې شوې  ودانۍ  ټولې په مسلمان میشتو سیمو کې  قرار لري. د میانمار د امنیت او سرحداتو وزیر  د اراکان ایالت  مرکز د سیتوي  د ښار  د خلکو د استازو سره  خبرې کړي او ویلي دي چې  د نوموړو ودانیو د ورانولو د لړۍ  د پيلیدو نه د مخه به دوی ته خبر ورکړي.

یادې شوې ودانۍ  ټولې  په مسلمان میشتو سیمو کې دي چې په منځ کې ۱۲ جوماتونه  او ۳۵ هم  دیني  ښوونځي  شتون لري.

د بله پلوه نوموړې پریکړې  په نوموړي هیواد کې  یو ځل بیا د مسلمانانو او بودستانو ترمنځه  د نښتو د پیلیدو په اړه  اندیښنې پارولي دي.

د بورما ډیموکراتیک غږ راډیو  ویلي دي کیدا شي چې  د حکومت دا پریکړه په سیمه کې  د مسلمانانو او بودستانو ترمنځه  نښتو ته  لار اواره کړي. په خبر کې راغلي دي چې د عبادتخانو  د ورانولو  پریکړې  جدي اندیښنې پارولي دي.

د سیمې د مسلمانانو مشر  یادې شوې راډیو سره په مرکه کې ویلي دي چې  « د حکومت لخوا د مسلمانانو په سیمو کې د ۳ زرو ودانیو د ورانولو پریکړه  عادله  پریکړه نده  او دا پریکړه به د مسلمانانو او بودستانو ترمنځه تاوتریخوالي ته زمینه برابره کړي.