په هندوستان کې د پل د چپه کیدو فاجعه رامنځته کړه

په هندوستان کې  د شدیدو بارانونو په پایله کې د رواتلي زورورو سیلاونو له امله  ستره فاجعه رامنځته شوه.

پیښه د  هندوستان په لویدیځ کې د مهاراشترا   په ایالت  کې رامنځته شوې ده . د  مهاراشترا  ایالت لومړي وزیر دیوندرا فادناویس خبري رسنیو ته ویلي دي چې پرون د شپې په ناوخته ساعتونو کې  د شدیدو بارانونو په پایله کې د رواتلو سیلاونو له امله  د ممبي او ګوا  ښارونو نخلونکي  پل  چپه شو.

هغه ویلي دي چې پل پداسې وخت کې چپه شو چې دوه بسونه د تیریدو پر حال کې ول. په پيښه کې دوه بسونه  د ساویترا  سیند ته غورځیدلي دي. د بسونو سپرلۍ  او چلوونکي لا درکه شوي دي.

هغه ویلي دي چې  په بسونو کې  ۱۸ تنو مساپرو، دوو تنو موټر چلوونکو او دوو تنو هم  کلینرانو شتون درلود.

د ژغورنې  ډلې  سیمې ته  رسیدلي  او د لا درکه شوو کسانو د موندولو په خاطر يي پلټنې پیل کړي دي.

په پلټنو کې  سمندري ځواکونو هم  ګډون کړی دی . د الوتکې له لارې پلټنې دوام لري.

د بله پلوه  په سیمه کې د ژغورونکو ډلو مشرانو د دوو تنو مړو د موندولو نه خبر ورکړی دی.

په پلټنو کې  ۸۰ تنو ګډون کړی دی.