په امریکا کې په پولیسو خونړی برید وشو

د امریکا  د دالاس په ښار کې د مظاهرې پر مهال  په پولیسو  خونړی برید وشو.

په پیښه کې لږ تر لږه  ۴ تنه پولیس مړه او ۷ تنه نور ټپیان شوي دي. د ټپیانو نه  د ۳ تنو روغتیايي حالت باریکه  دی. 

د اسوشیتید پرس خبري اژانس  د دالاس د ښار د پولیسو د مشر له قوله لیکلي دي چې پدې برید کې  لږ تر لږه  ۴ تنه پولیس وژل شوي او ګن شمیر نور ټپیان شوي دي.

د پولیسو مشر  داوید براون ویلي دي چې  برید د نښه ویشتونکو لخوا شوی دی . هغه ویلي دي چې  نښه ویشتونکو  دا برید د یوې حاکمې نقطې نه کړې ده چې له امله يي ۴ تنو پولیسو ژوند د لاسه ورکړ. هغه ویلي دي چې  د پیښې نه وروسته  ډزې پيل شوې او دې پیښې د مظاهره کوونکو ژوند هم د خطر سره مخامخ کړی دی .  

د بله پلوه  د امریکا د دالاس د ښار پولیسو د برید کوونکو نه د یو تن عکس د ټولنیزې مډیا له لارې خپور کړی دی او د خلکو نه يي د مرستې غوښتنه کړې ده . پولیسو د خلکو نه  د برید کوونکي د نیولو په برخه کې مرسته غوښتې ده.