د سویډن ولسي جرګې د ناټو د سازمان سره لاسلیک شوی تړون تصویب کړ

سویډن  ولسي جرګې  د حکومت  لخوا د ناټو سره لاسلیک کړی  د دفاعي همکاریو تړون  تصویب  کړ.

د نوموړي تړون له مخې ددینه وروسته  د ناټو عسکري ځواکونه  په سویډن کې د  ځای په ځای کیدو اجازه ترلاسه کوي.

همداشان  دا تړون  د ناټو د ځواکونو سره  د حکومت د مرستې او ملاتړ سرحدونه هم  ټاکي.

ددې تړون له مخې ناټو سازمان کولی شي چې ددینه وروسته د سویډن  د پولو په منځ کې  جنګي چورلکې، جنګي الوتکې او جنګي بیړۍ  ځای په ځای کړي. همداشان سویډن به  د ناټو جنګي بیړیو نقلیاتو ته هم  اجازه ورکوي.

د نوموړي تړون تر ټولو مهمه  ماده بیا  ناټو نشي کولی چې د سویډن  د پولو په منځ کې  اټومي وسلې  ځای په ځای کړي . همداشان  په تړون کې په ټینګار ویل شي دي چې  د ناټو ځواکونه، وسلې او  مهمات  یواځې او یواځې  د سويډن د حکومت  د بلنې په اساس پدې هیواد کې ځای په ځای کیدی  شي.