روسي جنګي چورلکه راوغورځیده
په سوریه کې روسي جنګي چورلکې سقوط وکړ
![روسي جنګي چورلکه راوغورځیده](http://cdn.trt.net.tr/images/xlarge/rectangle/10-11/Files/UploadedImages/7158e40b09244c87a0a463525220f6e9_15)ukrayna helikopter.jpg?time=1718773506)
د روسیې جنګي چورلکې سقوط وکړ.
د روسیې د پوځ اړوند جنګي چورلکې په سوریه کې راوغورځیده. په پیښه کې د دوو تنو پیلوټانو د وژل کیدو نه خبر ورکړ شوی دی .
د روسیې د دفاع وزارت د سوریې د حمص ښار په مربوطاتو کې د خپلې عسکري چورلکې د غورځیدو نه خبر ورکړی دی .
د روسیې د دفاع د وزارت لخوا په شوو څرګندونو کې راغلي دي چې دا چورلکه د عملیاتو پر مهال غورځیدلې او دوو تنو پیلوټانو پکې ژوند د لاسه ورکړی دی.
په څرګندونو کې راغلي دي چې الوتکه د چا لخوا ویشتل شوې نده . د روسیې د دفاع وزارت ویلي دي چې د پیښې د لامل په اړه څيړنې پیل شوي دي.
د بله پلوه د روسیې ستر درستیزوالۍ د عمومي عملیاتو د ادارې ریس سرګي رودوسکي د سوریې د حلب د ښار اړوند نوې ادعا کړې ده .
هغه ویلي دي چې د القاعدې څانګې النصرا جبهې د سوریې د دویم لوی ښار حلب د نیولو په خاطر د لسو زرو تنو جنګیالیو سره یاد شوی ښار محاصره کړې دی.
دا ادعا د بلې کومې خپلواکۍ سرچینې لخوا نده تایید شوې .