روسیې جنګي الوتکه راوغورځیده

د روسیې د پوځ اړوند سو ۲۵ ډوله جنګي الوتکه د نوموړي هیواد په سویل کې د سټاوروپول په سیمه کې راوغورځیده. په پیښه کې د الوتکې پیلوټ هم ژوند د لاسه ورکړی دی .

د روسیې د تاس خبري اژانس د دفاع د وزارت له قوله لیکلي دي چې ددوی یوه جنګي الوتکه د سټاورپول په سیمه کې د نامعلوم لامل له امله غورځیدلې ده . د روسیې د دفاع وزارت ویلي دي چې په الوتکه کې مهماتو شتون نه درلود او په یوې دښته کې غورځیدلې ده . په پیښه کې د الوتکې پیلوټ ژوند د لاسه ورکړی دی .

په څرګندونو کې راغلي دي چې الوتکه په سیمه کې د یوې هوايي هډې نه د تعلیمي الوتنې په موخه پورته شوې وه چې د نامعلوم له امله غورځیدلې ده .

د پیښې د څیړنې په خاطر د کوماندو د متخصصینو نه یوه ځانګړې ډله په دنده ګمارل شوې ده .