د سویلي کوریا لومړي وزیر استعفا وکړه
په سویلي کوریا کې د یوې مساپروړونکې کښتۍ د ډوبیدو او د شاوخوا ۳۰۰ تنو وژل کیدو او لا درکه کیدو پیښې لومړی وزیر استعفا ته اړ ویست.
په سویلي کوریا کې د یوې مساپروړونکې کښتۍ د ډوبیدو او د شاوخوا ۳۰۰ تنو وژل کیدو او لا درکه کیدو پیښې لومړی وزیر استعفا ته اړ ویست.
د سویلي کوریا لومړی وزیر چونګ هانګ ون چې د نوموړې پیښې له امله د سختو نیوکو سره مخامخ شوی وو د دندې نه استعفا وکړه.
د سویلي کوریا لومړي وزیر ون نن وویل دا چې د کښتۍ د ډوبیدو د پیښې پر مهال د ژغورنې او پلټنې چارې کافي نوې او کلاره وې د سختو نیوکو لاندې راغلی دی چې د همدې امله يي د دندې نه استعفا ورکړه.
د سویلي کوریا لومړي وزیر ون خپله استعفا نن په پلازمینه سیول کې په خبري غونډه کې اعلان کړه .
نوموړي وویل چې د سویلي کوریا د لومړي وزیر په توګه پدې برخه کې مسولیت لرم چې باید د دندې نه استعفا وکړم. د دندې دوام په اصل کې د هیواد د دولت په اوږو یو درندو بار بولم.
لومړي وزیر وویل د سویلي کوریا د لومړي وزیر په توګه او د حکومت په استازیتوب د پیښې په مخنیوي کې د پاتې کیدو او د بعضو ستونزو له امله په خپل وخت د مداخلې د نه کولو په خاطر د ټولو هیوادوالو او د پیښې د قربانیانو د کورنیو نه بښنه غواړم.
د یادولو وړ ده چې د کښتۍ د ډوبیدو د پیښې نه وروسته د سیمه ییز دفتر لخوا په کښتۍ کې د زده کوونکو کورنیو ته خبر ورکړی وو چې ټول زده کوونکي ژغورلي دي خو د څو ساعتونو وروسته په ډاګه شوه چې په پیښه کې په سلګونو تنه زده کوونکي مړه او لا درکه شوي دي .
د ویلو ده چې په ډوبه شوې کښتۍ کې د ۳۲۵ تنو زده کوونکو په ګډون ۴۷۶ تنو مساپرت کولو چې تر اوسه پورې د ۱۸۷ تنو مړي موندل شوي او ۱۱۵ تنه اوس هم لا درکه دي.
