په عراق کې د امریکايي ځواکونو پر هډې راکټي بریدونه شوي

د عراق په انبار ولایت کې د  امریکايي ځواکونو د عین الاسد په هوايي هډې ګڼشمیر راکټي بریدونه شوي .

ویل کیږي پدې هوايي هډې ۵ راکټي بریدونه شوي دي چې راکټونه د هډې په شاوخوا کې لګیدلي دي. پدې پیښه کې د ځاني تلفاتو په اړه څه ندي ویل شوي.

د برید نه وروسته امنیتي ځواکونو په سیمه کې پیلټون عملیات ترسره کړل چې په نتیجه کې  د باروانا سیمې په جنوب کې د راکټ لانچر سیستمونه وموندل.