پر غزې د اسرائیلو لخوا د روانو بریدونو په ننیجه کې د شهیدانو شمیره ۲۲۸ تنو ته لوړه شوه.
د اسرائیل لخوا پر غزې بریدونه دوام لري
د اسرائیلو جنګي الوتکو د غزې تراړې پّ سویل کې درفاه او خان یونس پر ښارونو درانده هوايي بریدونه وکړل.
د خان یونس ښار په لویدیځ کې د السطر په سیمه کې په هوايي برید کې یوې ښځې ژوند د لاسه ورکړ او ۶ تنه نور ټپیان شول.
همداشان اسرائیلي جنګي الوتکو د خان یونس په ښار کې د ګمرک د محافظت په سیمه هوايي برید وکړ چې په نتیجه کې ګن شمیر کسان ټپیان شول.
همداشان د خان یونس د جاپان په کلي او د رفاه د الشبوره په سیمه کې په کورونو هوايي بریدونه وشو .
د اسرائیلو جنګي الوتکو د جبلیه د کډوالو د کمپ د شهدا پر میدان هم درانده هوايي بریدونه کړي دي.
پدې برید کې کورونو او بڼسټونو ته جدي زیان اوښتی دی.
اسرائیلي الوتکو د غزې په سویل کې په کرنیزو مځکو هم درانده هوايي بریدونه کړي دي.
د غزې د روغتیا وزارت د معلوماتو له مخې د اسرائیل لخوا د پر غزې د پيل شوو بریدونو په ترڅ کې تر اوسه پورې ۲۲۸ تنه په شهادت رسیدلي او تر ۱۶۲۰ تنو ډیر کسان ټپیان شوي دي.
اړوند خبرونه
په عراق کې پر بوځیانو خونړی برید شوی
په عراق کې د داعش ترهګرې ډلې لخوا په ترسره شوي برید کې د یوه ډګروال په ګډون پنځه تنه عسکر ووژل شول.