حوثي یاغیانو یو ځل بیا پر سعودي عربستان د توغندي برید وکړ.
په یمن کې حوثي یاغیانو د یمن سره په پوله کې د سعودي عربستان د جازان په ښار کې د سعودي عربستان په مشرۍ د ائتلافي ځواکونو په ګډ عملیاتي مرکز د بالستیک توغندي برید کړی دی.
د حوثي یاغیانو د پوځي څانګې ویاند یحیی سیري د سعودي عربستان په سویل کې د جازان ولایت اړوند سامتا په ښار کې په عملیاتي مرکز د بالستیک توغندي د برید کولو ادعا کړې ده .
حوثي یاغیانو پدې برید کې د سعودي عربستان په مشرۍ ائتلافي ځواکونو ته د درندې مرګ ژوبلې د اړولو ادعا کړې ده .
خو د سعودي عربستان په مشرۍ ائتلاف بیا د حوثي یاغیانو د ادعا په اړه څه ندي ویلي.
د ویلو ده چې حوثي یاغیان وخت نا وخته د یمن د خاورې نه په سعودي عربستان د بالستیک توغندیو بریدونه کوي.
همداشان حوثي یاغیانو پدې وروستیو کې د بالستیک توغندیو سربیره د ډرون الوتکو سره هم بریدونو ته مخه کړې ده .
حوثي یاغیانو چې د ایران کلک ملاتړ تر شا لري په ۲۰۱۴ کال کې د یمن د مشروع حکومت پر خلاف کودتا وکړه او د پلازمینې صنعا په ګډون یو زیات شمیر سیمې ونیولې.
د یمن ولسمشر د حوثي پر خلاف د مبارزې په برخه کې د سعودي عربستان په مشرۍ د خلیج هیوادونو نه د مرستې غوښتنه وکړه چې ددې غوښتنې په اساس خلیج هیوادونو د حوثيانو پر خلاف یو ائتلاف جوړ کړ.
د سعودي عربستان په مشرۍ جوړ شوي دې ائتلاف په ۲۰۱۵ کال کې په یمن کې د حوثي یاغیانو پر خلاف پوځي عملیات پيل کړل چې ددې په مقابل کې حوثي یاغیان وخت نا وخته د یمن سره په پوله کې په پرتو د سعودي عربستان په ښارونو راکټي او د توغندیز بریدونه کوي.
اړوند خبرونه
په عراق کې پر بوځیانو خونړی برید شوی
په عراق کې د داعش ترهګرې ډلې لخوا په ترسره شوي برید کې د یوه ډګروال په ګډون پنځه تنه عسکر ووژل شول.