د عراق ولسمشر د امریکا د ولسمشر د څرګندونو په اړه غبرګون وښود

هغه وویل چې  دا کار یواځې او یواځې د عراق د حکومت په اجازه  او پریکړه ممکن  دی.

د عراق ولسمشر برهم صالح دا څرګندونې  په پلازمینه  بغداد کې په یو پروګرام کې د خپلې وینا په ترڅ کې وکړې.

هغه وویل چې  په عراق کې د امریکا  موجودیت  د ترهګرۍ پر وړاندې د مبارزې په برخه کې همکارۍ  او د عراق د حکومت د غوښتنې له مخې  دوام لري. ددینه وروسته به هم  پدې ډول  دوام وکړي.

د ویلو ده چې د امریکا ولسمشر دونالد ټرمپ  پرون د نوموړي هیواد د سي بي اس تلویزیون سره په مرکه کې ویلي وو چې غواړي په عراق کې خپل ځواکونه وساتي. هغه ویلي وو چې په عراق کې د امریکايي ځواکونو د ساتلو مهم  لامل  د ایران تعقیبول دي.

ټرمپ ویلي وو چې  په عراق کې د عین الاسد  په پوځي هډې ډیر زیات مصرف کړی دی او غواړي چې  ددې هډې نه  د ایران د تعقیبولو په خاطر کار واخلي.

د عراق ولسمشر برهم صالح بیا وویل چې  امریکا پدې اړه  تر اوسه پورې زمونږ نه په رسمي ډول کومه غوښتنه نده کړې. هغه وویل چې  د امریکا سره ددې ستونزې د حل یواځنۍ لار  د لارو جلا کول ندي بلکې  همکاري  هم  د امکان  وړ ده.

د بله پلوه  د ټرمپ د څرګندونو نه وروسته  په عراق کې د شیعه مشر مقتدا الصدر د ایتلاف غړي  او د عراق د پارلمان مرستیال  حسن القابي  وویل چې  د هیواد نه د امریکايي ځواکونو د ویستو په خاطر به د قانون  طرحه پارلمان ته وړاندې کړي. هغه وویل چې پدې اړه به قانون  تصویب کړي.