د سعودي ولیعهد شهزاده د قاشقچي د جنایت په اړه د لومړي ځل لپاره ارزونې وکړې

هغه وویل چې  د قاشقچي د جنایت د روښانولو په خاطر د ترکیې سره په ګډه او همکارۍ کې  کار کوو.

د سعودي عربستان  ولیعهد  دا څرګندونې  د ولسمشر رجب طیب اردوغان  سره  د ټيلیفوني خبرو نه وروسته  وکړې.

هغه وویل چې  دواړه حکومتونه  د نوموړي  جنایت  مجرمین د خپلو اعمالو په سزا رسولو په لاره کې  قوي همکاري به ټولو ته  په اثبات ورسوي.

هغه ددې خبرې په ټینګار وویل چې ځینې برخې غواړي چې د سعودي عربستان او ترکیې ترمنځه  اړیکې خرابې کړي خو تر کومه چې  ملک سلمان، زه   او ولسمشر اروغان  شتون ولري  بریالي به نشي. زمونږ ترمنځه به  د اړیکو په خرابولو کامیابه نشي.

ولیعهد شهزاده  محمد  د قاشقچي د جنایت  نه  د یوې دردونکې  پیښې په توګه یادونه وکړه او وویل چې ددې جنایت  د ټولو جزیاتو  د راسپړولو په خاطر د ترکیې سره په ګډه کار کوو.

هغه وویل چې  پوره باور لري چې عدالت به خامخا  تامین شي.

د یادولو وړ  ده  چې  د سعودي عربستان منتقد او مخالف  ژورنالست جمال قاشقچي  د اکتوبر په دویمه نیټه  د رسمي کارونو په خاطر  په استانبول کې  د سعودي عربستان قونسلګرۍ ته د ننوتو نه وروسته  تري تم شو.

د سعودي عربستان حکومت  سره ددې چې  په لومړنیو ورځو کې  د قاشقچي د وژل کیدو په اړه ادعاګانې  ردولې  خو  د پیښې نه  ۱۸ ورځې وروسته  د هغه په وژل کیدو اعتراف وکړ.

سعودي عربستان وویل چې قاشقچي  په قونسلګرۍ کې د فزیکي شخړې په پایله کې ژوند د لاسه ورکړ.