په سعودي عربستان یو ځل بیا د بالستیک توغندي  برید وشو.

په سعودي عربستان یو ځل بیا د بالستیک توغندي  برید وشو.

حوثي یاغیانو د یمن نه  پر سعودي عربستان  د بالستیک توغندي برید وکړ.

د سعودي عربستان د الاخباریه  تلویزیون د خبر له مخې  د یمن  نه د سعودي عربستان د جازان  په ښار کې  ترسره شوی  د بالستیک توغندي برید  په هوا کې شنډ کړی شو.

په خبر کې راغلي دي چې  د سعودي عربستان  د دافع هوا سیستم  د جازان د ښار په هوا کې  د بالستیک توغندی  شنډ او له منځه یوړ.

د بله پلوه  د حوثي یاغیانو پلوي د المصیره  تلویزیون بیا  نوموړی  توغندی د جازان د ښار د برښنا په عمومي  استیشن  د لګیدو  ادعا کړې ده .

د ویلو ده چې  دا  د پنځو ورځو په دننه کې  شپږم  بالستیک توغندی  چې د حوثي یاغیانو لخوا پر سعودي عربستان توغول کیږي.

حوثي یاغیانو  په ۲۰۱۴ کال کې د یمن په مشروع  حکومت کودتا وکړه او د پلازمینې صنعا په ګډون  یو زیات شمیر  سیمې ونیولې .

د یمن  ولسمشر  بیا  د حوثي یاغیانو پر خلاف د مبارزې په خاطر د سعودي عربستان نه د مرستې غوښتنه وکړه. سعودي عربستان  د یمن د غوښتنې او بلنې په اساس د ۲۰۱۵ د مارچ په میاشت کې په یمن کې د حوثي یاغیانو پر خلاف  مبارزه پیل کړه. د همدې امله  حوثي یاغیان وخت نا وخته د یمن د خاورې نه پر سعودي عربستان د توغندیو بریدونه کوي.