نتنیاهو د اروپا نه ناهیلې او خفه ستون شو

د اسراییلو لومړی وزیر  نتنیاهو چې د ډیرو زیاتو هیلوسره  اروپا ته راغلی وو  ناهیلی  او خفه  ستون شو.

د اسراییلو لومړی وزیر نتنیاهو چې  د اروپايي ټولنې د کمیسیون ریس جین کلود  او بهرنیو چارو وزیرانو سره  د لیدنې په خاطر  بروکسل ته راغلی وو په بروکسل کې  ترینه  د ښه هر کلي نه ترسره کیدو  او کافي ملاتړ نه ترلاسه کولو له امله  د اروپايي ټولنې د کمیسیون د ریس سره لیدنه  لغوه کړه او بیرته هیواد ته ستون شو.

د یادولو وړ ده چې  د اسراییلو نه اروپا د ۲۲ کلونو نه وروسته د لومړي ځل لپاره د لومړي وزیر په کچه  سفر ترسره شو.  نتنیاهو  د اروپا  دې سفر ته  ډیر هیله من وو  خو  هیلې په سمندر ډوبې شوې.

په اروپا کې  د نتنیاهو نه  د پروتوکول پر خلاف  د اروپا د بهرنیو اړیکو او امنیتي سیاستونو د عالي استازې  فدریکا لخوا  هر کلی وشو.

نتنیاهو  د فدریکا او د اروپايي ټولنې د بهرنیو چارو د وزیرانو سره  د لیدنې نه مخکې خبري غونډه کې ګډون وکړ. هغه خبریالانو ته وویل چې  پوره باور لري چې  اروپايي ټولنې غړي هیوادونه به هم  د بیت المقدس په اړه د ټرمپ  پریکړې ته درناوی وکړي  او خپل سفارتخانې به بیت المقدس ته انتقال کړي.

د بله پلوه  د اروپايي ټولنې د بهرنیو اړیکو او امنیتي سیاستونو  استازې  بیا د نتنیاهو سره د لیدنې نه وروسته په خبري غونډه کې ګډون وکړ.

هغې خبریالانو ته وویل چې  کیدای شي چې نور هیوادونه  د  نتنیاهو  غوښتنه ومني خو  د اروپايي ټولنې غړي هیوادونه به پدې برخه کې هیڅډول ګام  اوچت نکړي.

هغې وویل چې د اروپايی ټولنې  د ۲۸ غړیو هیوادونو د بهرنیو چارو وزیرانو  نتنیاهو ته  په ډاګه  او ښکاره وویل چې  خپل سفارخانې به د تل ابیب نه  بیت المقدس ته انتقال نکړي. اروپايي ټولنې  یو ځل بیا  د اسراییلو او فلسطین  ترمنځه  د روانې ستونزې په حل د دوو دولتونو په حل لارې ټینګار وویل او وویل چې  پدې برخه کې به هله ګام اوچت کړي چې  بیت المقدس د دواړو دولتونو  د پلازمینې په توګه  اعلان شي.

د اروپايي ټولنې سرچینو ویلي دي  چې د بهرنیو چارو وزیرانو د نتنیاهو سره  په لیدنه کې د بیت المقدس په اړه د ټرمپ  په پریکړه  سخته  نیوکه کړې  او ویلي دي چې  اروپا ددې خطا مرتکبه نشي.

د اسراییلو لومړي وزیر  چې  د اروپايي ټولنې په  اړه  هیلې او خیالونه په سمندر کې لاهو  د اروپا د کمیسیون د ریس سره  لیدنه  لغوه کړه او د بروکسل نه  جلا شو.

اسراییلو  د نوموړې لیدنې د لغوه کولو  لامل  نده  په ډاګه کړی  خو  اروپا ویلي دي چې اسراییلي هیت د هوا د خرابوالي له امله  دا لیدنه لغوه کړې ده .

اروپآيي ټولنې سرچینو ویلي دي چې  نتنیاهو  د اروپا د تند چلند  دیته د اهمیت د نه ورکولو له امله  پرې سړې اوبه واوښتې او  خپلې لیدنې لغوه کړې او هیواد ته ستون شو.