داعش  ترهګرې ډله  قتل عامونو ته دوام ورکوي.

داعش ترهګره ډله په بې رحمۍ کې سرحد نه پیژني

داعش  ترهګرې ډله  قتل عامونو ته دوام ورکوي.

داعش  ترهګرې ډله  قتل عامونو ته دوام ورکوي.

داعش ترهګرې ډلې  داځل  د عراق د موصل په ښار کې  ۱۹ تنه ملکي وګړي چې د جګړې د سیمې نه  د تیښتې هڅه کوله  ونیول او ټول يي  ووژل .

وژل شوي  کسان  د دوو کورنیو  غړي وو. په وژل شوو کسانو کې  ښځو او ماشومانو  هم  شتون  درلود.

په موصل کې د عراقي ځواکونو  یو تن قومندان  مظفر عبدالله د انادولو خبري اژانس ته ویلي دي چې  داعش ترهګرې ډلې  د دوو کورنیو ټول غړي  د یو بل  د سترګو پر وړاندې  یو یو وواژه.

هغه ویلي دي چې  داعش ترهګرې ډلې  د موصل ښار په شمال السکینه  سیمه  د دوو کورنیو ۱۹ تنه غړي چې ښځو او ماشومانو هم  پکې شتون درلود  او د سیمې نه يي د تښتیدو هڅه کوله ونیول.

داعش ترهګرې ډلې  دا  کسان  ټول  ووژل او وروسته يي ورته جسدونه  د سړک په غاړه  غورځولي دي.

داعش  د سیمې د خلکو د ډارولو  په خاطر  وخت نا وخته  دا ډول قتل عامونه کوي.

د بله پلوه  د عراقي ځواکونو یو تن بل قومندان عباس الجحیشي  ویلي دي چې  د موصل ښار په شمال لویدیځ کې  ددوې په سرتیرو  د تصفیوي عملیاتو پر مهال  چاودنه وشوه  چې ۲ تنه مړه او ۷ تنه نور تپیان شول. د ټپیانو روغتیايي حالت  باریکه  ښودل شوی دی.

داعش ترهګرې ډلې چې په عراق او سوریه کې  تر ۶۰ ډیرې سیمې د لاسه ورکړي  په هر لوري بریدونه کوي.


پيوندونه: قتل عام , موصل , داعش

اړوند خبرونه