په سعودي  عربستان یو ځل بیا  د توغندیو بریدونه  وشو.

په سعودي  عربستان یو ځل بیا  د توغندیو بریدونه  وشو.

د سعودي عربستان د نجران په ښار د یمن له لورې د راتوغول شوو توغندیو  د لګیدو په پایله کې  ګڼ شمیر کسانو ته مرګ ژوبله واوښته.

د  یمن سره په پوله کې پروت  د سعودي عربستان د نجران ښار د ملکي خوندیتوب  د ادارې  ویاند ډګروال علي الهشراني  خبري رسنیو ته وویل چې د یمن له لورې د راتوغول شوو توغندو نه  یو په یو کور لګیدلی  دی.

هغه ویلي دي چې پدې پیښه کې  یو تن ۱۱ کلن ماشوم  ژوند د لاسه ورکړی  او مور يي ټپۍ  شوې ده .

د یادولو وړ ده چې  پدې وروستیو کې  حوثي ملیشو  د سعودي عربستان د نجران په ښار د توغندیو او راکټي بریدونو ته  زور ورته کړی دی .

پرون هم  په یاد شوي ښار  د یمن له لوري  د ترسره شوي راکټي برید په پایله کې دوو تنو ماشومانو ژوند د لاسه ورکړی وو او ۵ تنه نور ټپیان شوي وو.

د یمن له لوري  د سعودي عربستان د نجران په ښار په ترسره شوو بریدونو کې تر اوسه پورې  نږدې  ۳۰ تنو ملکي وګړو ژوند د لاسه ورکړی  او څه باندې  ۳۰۰ تنه نور ټپیان شوي دي.