په سوریه کې د ایران یو تن بل جګپوړی قومندان ووژل شو

ایران  په سوریه کې  د خپل یو تن بل جګپوړي‌ قومندان د وژل کیدو نه خبر ورکړ. د ایران د ایسنا خبري‌ اژانس  نن دوشنبه د اکتوبر ۱۹ د اهل بیت خبري  اژانس له قوله  لیکلي‌ دي‌ چې  د ایران  د انقلاب ساتونکو د ځواکونو  یو تن بل  جګپوړی  قومندان هم  په سوریه کې  ووژل شو. 

په خبر کې  راغلي‌ دي‌ مسلم خیزاب  د ایران د انقلاب ساتونکو د ځواکونو جګپوړی  قومندان  وو  چې د کلونو کلونو راهیسي‌ د د انقلاب ساتونکو ځواکونو د امام حسین د ۱۴ م لښکر مشري‌ په غاړه  درلوده  د مخالفینو لخوا  وژل شوی دی . ویل کیږی  نوموړی  په سوریه کې  د داعش  سره په مخامخ  جګړه کې  ووژل شو.

دا  د تیرو دوو اونیو راهیسي‌ په سوریه کې  د ایران  د انقلاب ساتونکو د ځواکونو څوم  جګپوړی  مشر  دی  چې  وژل کیږي. 

یوه لنډه موده  د مخه  د داعش  ډلې  د سوریې  د حلب په ښار کې  د ایران د انقلاب ساتونکو د ځواکونو یو تن جګپوړی  مشر حسین همداني‌ وژلی وو.