په بازار کې چاودنې لږ تر لږه ۲۰ تنه ووژل
د عراق په پلازمینه بغداد کې په یو بازار کې د خلکو په ګڼه ګوڼه کې چاودنې تر شلو زیات ووژل
د عراقي چارواکیو په وینا د نوموړي هیواد په پلازمینه بغداد کې د شیعه میشتو په سیمه کې په یو بازار کې د خلکو په ګڼه ګوڼه کې چاودنه وشوه چې په لسګونو تنو ته يي مرګ ژوبله واړوله.
د بغداد امنیتي سرچینو او د روغتیا وزارت ویلي دي چې پیښه د شورطا په سیمه کې رامنخته شوې ده . چاودنه د یو موټر په مټ شوې ده . په چاودنه کې تر شلو زیاتو کسانو ژوند د لاسه ورکړی او ۴۸ تنه نور ټپیان شوي دي.
د برید مسولیت چا په غاړه ندی اخیستی . د یادولو وړ ده چې په عراق کې د اختر په ورځ هم د خان بني سعد په ښار کې د اختر مبارکیو په ترڅ کې یوه ډیره درنده چاودنه شوې وه چې تر سلو ډیرو کسانو پکې ژوند د لاسه ورکړی وو.
د نوموړي برید مسولیت داعش ډلې په غاړه اخیستی وو.
په عراق کې پدې وروستیو کې امنیتي حالات ښه پسې خراب شوي دي.
اړوند خبرونه
د سعودي عربستان پاچا ملک سلمان بن عبدالعزیز لوړې درجې تبې له امله د تداوۍ لاندې دی.
د سعودي عربستان پاچا ملک سلمان بن عبدالعزیز د سږو د ناروغۍ له امله د انټي بیوټیک درملنه پيل کړې ده.