د پاکستان حکومت د انګلستان نه ددې هیواد د پخواني لومړي وزیر نواز شریف د ډیپورتولو غوښتنه کړې ده .
مسلیم لیګ نواز ګوند : حکومت په زور سره هیواد ته د نواز شریف د راستنولو صلاحیت نلري
د ویلو ده چې د پاکستان پخوانی لومړی وزیر نواز شریف د درملنې په موخه انګلستان ته تللی دی.
د پاکستان د ړونتیا مسئول د دولت وزیر شهزاد اکبر په پلازمینه اسلام آباد کې خبري غوندې ته وویل چې حکومت د انګلستان د حکومت نه د پخواني لومړي وزیر نواز شریف د ډیپورتولو غوښتنه کړې ده .
د پاکستان د بهرنیو چارو وزیر شاه محمود قریشي هم ددې خبرې پخلی وکړ خو د مسئلې په اړه يي د جزیاتو ورکولو نه ډډه وکړه.
د پاکستان پخواني لومړي وزیر او مسلم لیګ نواز ګوند مرستیال شاهد خاقان عباسي د حکومت د دې اقدام په خلاف ډیر سخت غبرګون وښود.
هغه وویل چې نواز شریف د محکمې د پریکړې په اساس د تداوۍ په خاطر انګلستان ته تللی دی. د همدې امله حکومت ددې حق نلري چې هغه په زور سره بیرته هیواد ته راستون کړي. دا یواځې د محکمې صلاحیت دی.
د ویلو ده چې د پاکستان حکومت تیره اونۍ د نواز شریف لپاره د تداوۍ د مودې د غځولو په اړه د روغتیايی مرکز غوښتنه رد کړه. روغتیايي مرکز ویلي وو چې د شریف تداوۍ سرته نده رسیدلې او نور وخت ته اړتیا لري.
د ویلو ده چې د پاکستان پخوانی لومړی وزیر شریف په دوو جلا جلا دعواګانو کې په یو کې په ۷ کلونو او په بل کې په لسو کلونو بند محکوم شوی دی.