په ایران کې  د پټلۍ نه د ریل ګاډي د وتو په پیښه کې په لسګونو تنو ته مرګ ژوبله اوښتې.

د ایران د سیستان او بلوچستان د ناورین د ادارې مشر خبري رسنیو ته ویلي دي چې پدې پیښه کې  ۳ تنه مړه او ۳۸ تنه نور ټپیان شوي دي.

هغه ویلي دي چې ریل ګاډی  د زاهدان ښار نه د تهران پر لورې روان وو چې د پټلۍ نه وتلی دی. د هغه په وینا  پیښه  د شګو د ډیر سخت  توپان په پایله کې رامنځته شوې ده .

هغه ویلي دي چې  پدې پيښه کې د ریل ګاډي  یو واګون  په کامله توګه  د پټلۍ نه وتلی دی .

د پیښې نه وروسته  ژغورونکې او روغتیايي ډلې سیمې ته ورسیدې او ټپيان يي نږدې روغتونونو ته انتقال کړل.