په مري کې د کیبل کار د مزي د شلیدو له امله فاجعه رامنځته شوه

د پاکستان  د مري  په ښار کې  د کیبل کار د مزي  د شلیدو  له امله ستره فاجعه رامنځته شوه.

د پاکستان  په توریستي  د مري په سیمه کې  د کیبل کار د مزي د شلیدو له امله  لږ تر لږه  ۱۱ تنو ژوند د لاسه ورکړ.

په سیمه کې د ژغورنې ډلې چارواکیو ویلي دي چې  د پلازمینې اسلام آباد په ۳۰ کیلومترۍ کې پروت  د مري په توریستي ښار کې  د یو کیبل کار  د مزي د شلیدو له امله  ۱۱ تنو ژوند  د لاسه ورکړ  او یو تن بل  سخت ټپیان شوی دی.

د ژغورنې ډلې ویلي دي چې  په کیبل کار کې  ۱۲ تنو شتون درلود چې د ۱۲۰ مترۍ نه  راندې راګوزار شول.

د پیښې په اړه تحقیقات پیل شوي دي.

مري ښار هر کال د لسګونو زرو تنو ځايي او بهرنیو ګرځندویانو  کوربه توب کوي.