د پاکستان  د کراچي  په ښار کې  په یو ډګروال  وسله وال برید وشو.

د پاکستان  د کراچي  په ښار کې  په یو ډګروال  وسله وال برید وشو.

د  کراچۍ  په ښار کې  د بلوچ کالونۍ  ترڅیرمه په یو متقاعد ډګروال  خونړی برید وشو. په برید کې  د ډګروال سربیره یو تن بل هم  ژوند د لاسه ورکړی دی .

د کراچۍ  د پولیسو په وینا  برید  د بلوچ کالونۍ  ترڅیرمه  د فیصل په جاده کې  شوی دی.

پدې پیښه کې دوه تنه نور ټپیان شوي دي.

پولیسو ویلي دي چې  برید د نامعلومو وسله والو لخوا ترسره شوی دی .

پولیسو ویلي دي چې د پیښې په ځای کې د دوو جلا جلا تپانجو  مرمۍ  موندلي دي. ددینه داسې ښکاري چې  برید  د موټر نه  د دوو جلا جلا  برید کوونکو لخوا شوی دی.

د بله پلوه عیني شاهدانو ویلي دي چې برید کوونکو  د یو موټر نه  د متقاعد ډګروال په موټر  برید وکړ.

د ویلو ده چې نن  د سهار په ساعتونو کې په لاهور ښار کې  د سرشمیرنې  په ډلې او پوځیانو باندې  ځانمرګی برید وشو چې له امله يي ۴ تنو پوځیانو په ګډون ۶ تنو ژوند د لاسه ورکړ او ۲۰ تنه نور ټپیان شول.

سرچینه جیو نیوز