په پاکستان کې د میشتو افغان کډوالو د اوسیدو موده وغځول شوه

پاکستان په هیواد کې د میشتو افغان کډوالو د اوسیدو  موده  د روان میلادي کال د دسمبر میاشتې تر پایه  وغځوله.

د پاکستان  د اطلاعاتو  او خپرونو  وزیرې  مریم  اورنګزیب  خبري رسنیو ته ویول چې  د پاکستان نه  افغان کډوالو لپاره  د وتو لپاره  د ټاکل شوي  مهلت  نيټه  د روان میلادي کال تر پایه  د غځولو پریکړه وشوه.

هغې وویل چې  د افغانستان  د سرحدي سیمو نه  پاکستان ته د خپل سرو تګ راتګ د مخنیوي په خاطر  د ویزې  په نوي سیستم  کار کوي. هغه زیاته کړه چې  د پاکستان سره په ګډه پوله کې  پرتو  افغانانو باندې به پاکستان ته د تیریدو په خاطر  ویزه ولګوي.

د یادولو وړ ده چې  په پاکستان کې  څه باندې  یو نیم میلیون تنه  افغان کډوال ژوند کوي  چې  یوه لویه برخه هیواد ته ستانه شوي دي.

د افغانستان نه پاکستان ته د کډوالۍ بهیر  په ۱۹۸۰ کلونو کې د پخواني شوروي اتحاد لخوا په افغانستان د یرغل نه وروسته پيل شو.

همداشان  په افغانستان کې د پخواني شوروي اتحاد پر خلاف د جهاد د بریالي کیدو نه وروسته  په ۱۹۹۰ کلونو کې  د کورنۍ جګړې د پيلیدو نه وروسته په لسګونو زره تنه افغانانو پاکستان ته  پناه یوړه.

پاکستان  د تیرو دوو کلونو راهیسې  هیواد نه د افغان کډوالو په ویستو پيل کړی دی.