په ایران کې خونړۍ ټرافیکي پیښه رامنځته شوه

په ایران کې  په ټرافیکي پیښه کې څه باندې  ۵۰ تنو ته مرګ ژوبله اوښتې.

د ایران د رسمي خبري اژانس  ایرنا د خبر له مخې  د نوموړي هیواد د کرمان  ولایت نه د فارس پر لورې روان  مساپروړونکي  میني بس  موټر  د چپه کیدو  او لاندې درې ته د غورځیدو له امله لږ تر لږه  ۱۹ تنو ژوند د لاسه ورکړی  او ۳۵ تنه نور ټپیان شوي دي.

د پیښې ټپیان روغتون ته  انتقال شوي دي. د سیمې چارواکیو  د ټپیانو نه  د بعضو د روغتیايي حالت په اړه اندیښنه ښودلې ده .

پیښه  د چلوونکي لخوا د کنټرول  د لاسه ورکولو له امله رامنځته شوې ده .