په سرتور سر انځورونو د خپریدو له امله يي په ولسي جرګه کې غړیتوب وځنډول شو

په ایران کې  د اصفهان  د سیمې  د خلکو استازې  مینو خالقي  چې په پارلماني ټاکنو کې  ولسي جرګې ته لار موندلې وه  په ټولنیزه مډیا کې  د سرتور سر انځورونو د خپریدو له امله په ولسي جرګې کې غړیتوب  وځنډید.

د اصفهان  د خلکو استازې  مینو خالقي  په سپیناوي کې ویلي دي چې  خپاره شوي انځورونه د هغې پورې اړه نلري  . دا انځورونه  هغې ندي  خپاره کړي.

د بله پلوه  د ایران د کورنیو چارو وزارت  د مینو خالقي  د سرتور سر انځورونو د خپرولو  په تور  د حمید طالبي  په نامه  یو تن  نیولی دی .

د ایران ولسمشر حسن روحاني  په ولسي جرګه کې  د مینو خالقي  د غړیتوب د ځنډیدو په اړه سخت غبرګون ښودلی  او ویلي دي چې  دا اقدام په ښکاره توګه  د هیواد د قوانینو سره په ټکر کې دی.