د پاکستان سره په پوله کې په ایراني پولیسو خونړی برید وشو

د ایران په سویل ختیځ کې د پاکستان سره په پوله کې د سیستان بلوچستان ایالت د خاش په ولسوالۍ کې  په یوې سرحدي پوستې د برید له امله لږ تر لږه  ۳ تنه ایراني پولیس  ووژل شول.

د سیمې د امنیې قومندان  حسین رحیمي  ویلي دي چې  پدې پوستې  د یوې وسله والې ډلې لخوا  خونړی برید شوی دی.

د ایران د سیستان بلوچستان د ایالت د امنیې قومندان حسین رحیمي د نوموړي هیواد رسمي خبري اژانس  فارس سره په مرکه کې ویلي دي چې  برید د یوې ډلې وسله والو لخوا شوی دی .

هغه ویلي دي چې په برید کې  ۳ تنو پولیسو ژوند د لاسه ورکړی دی  او یو تن پولیس هم  ټپي شوی دی.

هغه ویلي دي چې د برید نه وروسته  سمدلاسه امنیتي ځواکونو رسیدلي  او د برید کوونکو د نیولو په خاطر يي پراخه د پلټنې عملیات  پیل کړي.

د پیښې په تړاو  تر اوسه پورې څوک نیول شوي ندي.