په هلمند ولایت کې د ملکي وګړو پر موټر چاودنه شوې

د افغانستان د هلمند په ولایت کې پر ملکي  وګړي  خونړۍ چاودنه وشوه.

د هلمند ولایت نه ترلاسه شوو معلوماتو له مخې  نن دوشبنه د چنګاښ ۲۱ د سهار په ساعتونو کې د هلمند ولایت په مرکز  لشکرګاه ښار کې د ملکي  وګړو د سپرلۍ پر موټر د سړک د غاړې د بم چاودنه وشوه چې په نتیجه کې لږ تر لږه ۴ تنه ملکي  وګړي  مړه او ۶ تنه نور ټپیان شول.

د برید مسئولیت تر اوسه پورې چا په غاړه ندی اخیستی.

د پیښې ټپیان د درملنې په موخه روغتونونو ته انتقال شوي  دي.