په ننګرهار کې د ملي امنیت پر منسوبینو وسله وال برید شوی

د افغانستان په ختیځ کې د ننګرهار ولایت په مرکز جلال آباد ښار کې د ملي امنیت پر منسوبینو وسله وال برید شوی  دی.

د ننګرهار ولایت د والي ویاند عطاءالله خوږیاڼي خبري رسنیو ته وویل چې نن د غرمې نه وروسته د جلال آباد ښار د دریمې امنیتي حوزې په مربوطاتو کې د ملي امنیت پر منسوبینو وسله وال برید وشو چې په نتیجه کې یو تن ژوند د لاسه ورکړی دی او دوه تنه نور ټپیان شوي دي.

د برید مسئولیت تر اوسه پورې چا په غاړه اخیستی ندی خو دا لا معلومه نده چې دا برید د چا لخوا شوی دی.

برید د ناپیژاندو برید کوونکو لخوا شوی دی.