په کابل کې د جومات ترڅنګ چاودنه شوې

د افغانستان په پلازمینه کابل کې د کارته چار په سیمه کې د شیرشاه سوري جامع جومات ترڅنګ چاودنه شوې.

ویل کیږي‌ چاودنه د جمعې د لمانځه پر مهال رامنځته شوې ده .

د افغانستان د کورنیو چارو وزارت د چاودنې پخلی کړی دی او ویلي‌ دي چې د کابل په لویدیځ کې د شیرشاه سوري‌ جامع جومات ترڅنګ چاودنه شوې ده.

د افغانستان د عامې روغتیا وزارت ویلي‌ دي چې ددې پیښې یو مړ او ۶ ټپیان روغتونونو ته راانتقال شوي‌ دي.