د امریکا متحده ایالتونو ستر درستیز د یو ناڅاپي  سفر په ترڅ کې کابل ته تللی دی.

د امریکا ستر درستیزوال  جنرال مارک میلي  کابل ته رسیدلی دی.

مارک میلي  د جګپوړي پلاوي په ملګرتیا د ولسمشر محمد اشرف غني سره  لیدنه وکړه.

پدې لیدنه کې په یو زیات شمیر مسلو خبرې وشوې .

په دې کتنه کې دواړو لورو د افغانستان او جنوبي اسیا لپاره د امریکا متحدو ایالتونو د ستراتېژۍ د مثبت تاثیر، د افغانانو په رهبرۍ او مالکیت د سولې پروسې او پر خپل ځان د بسیاینې په خاطر د افغانستان د پلانونو په اړه بحث او خبرې وکړې.

د افغانستان ولسمشر محمد اشرف غني وویل چې افغان حکومت  د اداري فساد او بډو پر خلاف په مبارزه کې  هم  ډیر  زیات  پرمختګ کړی دی او پدې اړه به  مبارزه په همدې شان دوام  وکړي.