د افغانستان د ملي امنیت  مرستیال سلاکار له خپلې دندې استعفا وکړه.

د ملي امنیت مرستیال سلاکار محمد سلیمان کاکړ ولسمشر محمد اشرف غني ته خپل استعفا  وړاندې کړې ده .

هغه  په خپل استعفا لیک کې  د استعفا لامل  ځینې موجود ملحوظات  او ستونزې  په ګوته کړي دي. هغه ویلي دي چې د موجودو ستونزو له امله نشي کولای چې ددینه وروسته  د ملي امنیت شورا د مرستیال په  توګه  دندې ته دوام  ورکړي.

هغه په استعفا لیک کې د ولسمشر محمد اشرف غني غوښتې چې هر څه ژر ورته استعفا منظوره کړي.

د ویلو ده چې  لنډه موده مخکې  د افغانستان پخواني  د ملي امنیت سلاکار محمد حنیف اتمر  له خپلې دندې استعفا وکړ  او ولسمشر محمد اشرف غني په امریکا کې د افغانستان لوی سفیر حمد الله محب  د ملی امنیت د سلاکار په توګه په دنده وګماره.