په سرپل کې ۴ تنه قاضیان وتښتول شول

د افغانستان په شمال سرپل ولایت کې  ۴ تنه قاضیان او د محکمې کارکوونکي  تښتول شوي دي.

د سرپل ولایت یو ځايي چارواکي خبري رسنیوته ویلي دي چې  ددې ولایت څلور تنه قاضیان او د محکمې کارکوونکي  د طالبانو لخوا تښتول شوي دي.

ویل کیږي  دا معلومه نده چې طالبانو  نوموړي قاضیان  چیرته وړي دي.

د سرپل ولایت  امنیتي سرچینو  د پيښې په اړه  په رسمي توګه څه ندي ویلي.

همداشان  د تښتول شوو قاضیانو او محکمې کارکوونکو د هویت په اړه هم څه ندي ویل شوي .

د یادولو وړ ده چې طالبانو  لنډه موده مخکې په تخار ولایت کې  د نفوسو د ثبت د ادارې  ۴ تنه  کارکوونکي  تښتولي وو چې تر اوسه پورې د برخلیک په اړه معلومات نشته دی.