ایران  د افغانستان سره  نوې  سرحدي  دروازې پرانیزي  .

 ایران  د افغانستان سره  نوې  سرحدي  دروازې پرانیزي  .

د ایران د پوله ساتو ځواکونو  قومندان  قاسم  رضايي  ویلي دي چې د افغانستان د سرحدي  مقاماتو سره مو  په لیدنه کې  د ایران او افغانستان ترمنځه  د نوو سرحدي دروازو د پرانیستو  پر سر په تفاهم  رسیدلي یو.

هغه ویلي دي چې  د افغانستان د سرحدي مقاماتو سره  په لیدونو کتنو کې  د دواړو هیوادونو  ترمنځه په پوله کې د امنیتي تدابیرو د لا لوړولو  او  د سرحدي دوازو د زیاتو پر سر  تفاهم  وکړ.

هغه  ویلي دي چې  د ایراني ځواکونو سره  د افغانستان د سرحدي ځواکونو همکاري  زمونږ هیواد ته تر ډیره حده  د نشه يي توکو د قاچاق  مخه نیولې ده .

قاسم  رضايي ددې خبرې په ټینګار وویل چې د افغان ځواکونو د ګډې همکارۍ  سره  غواړو چې ایران ته  د نشته يي توکو د قاچاق مخه په کامله توګه ونیسو.

د هغه په وینا  افغانستان د ایران سره  ۹۴۵ کیلومتره  ګده پوله لري .افغانستان او ایران  ترمنځه  درې رسمي سرحدي دروازې شتون لري  . همداشان  د پولې په اوږدو کې په ځینو نقطو کې په غیرې رسمي توګه تګ او راتګونه کیږي.