سور صلیب کمیټې د افغانستان په ځینو شمالي ولایتونو کې خپل فعالیت ودرولو

د سور صلیب نړۍوالې کمیټې  د امنیتي دلایلو  له امله د افغانستان  په ځینو ولایتونو کې خپل فعالیتونه ودرول.

په افغانستان کې د سور صلیب د دفتر مشرې  مونیکا زیناریلي  نن  دوشنبه  په کابل کې خبري غونډې ته وویل چې  د افغانستان په ځینو شمالي ولایتونو کې خپل فعالیتونه ودروي.

هغه وویل چې سور صلیب  د افغانستان  په کندوز  او فاریاب ولایتونو کې خپلو فعالیتونو د درولو پریکړه کړې ده . همداشان په مزار شریف کې به هم  د فعالیتونو کچه راټیټه کړي.

د ویلو ده چې  سور صلیب کمیټې تیر کال د افغانستان په شمال کې د جوزجان په ولایت کې  د خپلو۷ تنو کارکوونکو د وژل کیدو نه وروسته په ټول افغانستان کې خپل فعالیتونه درولي وو.

په کابل کې  د سور صلیب مشرې وویل چې په نورو ولایتونو کې به فعالیت دوام وکړي.