افغان هوایي ځواکونو لپاره تاریخي لاسته راوړنه

د امریکا د متحدو ایالتونو د دفاع وزارت د افغان امنیتي ځواکونو د پیاوړتیا لپاره د څه باندې ۷۲۷ میلیونو ډالرو په ارزښت یو قرارداد منظور کړی دی.

دا قرارداد چې په امریکا کې د لېډز اینوېشن د شرکت سره لاسلیک شوی دی له مخې به یې تر ۲۰۲۰م کاله پورې د افغان هوايي ځواکونو سره د اړوندو وسایلو او تجهیزاتو مرسته وي.

ټاکل شوې ده چې ددې پروژې په پایله کې به یو لړ افغان ځواکونه په هوایي برخو کې هم وروزل شي.

د بله پلوه په پام کې ده چې د هوایي ځواکونو د الوتکو شمېره تر ۲۰۲۳م میلادي کاله پورې دوه برابره شي.  پدې لړ کې د اې – ۲۹ ډوله جنګي الوتکو د جوړېدلو چارې دوام لري چې په ۲۰۲۰م کال کې به هوایي ځواکونو ته وسپارل شي.

پدې لړ کې به ۵۳ دانې بلک هاک ډوله چورلکې هم افغانستان ته ورکړل شي.