امریکايي ځواکونو یو ځل بیا په افغانستان کې قتل عام وکړ.

امریکايي ځواکونو یو ځل بیا په افغانستان کې قتل عام وکړ.

د امریکا متحده ایالتونو  بې پیلوټه الوتکو  د افغانستان  په ختیځ کې  په ملکي وګړو  هوايي بریدونه وکړل.

د ترلاسه شوو لومړنیو معلوماتو له مخې  پدې پیښه کې  لږ تر  لږه  ۲۵ تنو ته مرګ ژوبله اوښتې ده. پیښه د افغانستان په ختیځ کې د ننګرهار ولایت د اچین په ولسوالۍ کې رامنځته شوې ده .

په افغانستان کې میشتو امریکايي ځواکونو  د پیښې په اړه  څه ندي ویلي . د بله پلوه  د افغانستان د ننګرهار ولایت چارواکیو بیا  دا برید د داعش ترهګرې ډلې په غړیو د ترسره کیدو نه خبر ورکړی دی. د ننګرهار ولایت امنیتي سرچینو ویلي دي چې  امریکايي بې پيلوټه الوتکو تیره شپه د دریو بجو په شاوخوا کې  په اچین ولسوالۍ کې د داعش اړوند په یو کور برید کړی چې له امله د داعش د یو تن مشر او قاضي په ګډون  ۱۸ تنه داعشیان وژل شوي دي. 

طالبانو هم د برید په اړه غبرګون څرګند کړی دی . طالبانو بیا ویلي دي چې برید د ملکي وګړو په یو کور کې  خلک پکې د حج نه د راغلي یو تن  په خاطر راټول شوي وو  شوی دی . 

د ویلو ده چې دا لومړی ځل ندی چې امریکا په ملکي وګړو بریدونه کوي. یو څه موده مخکې امریکايي الوتکو  په ارزګان ولایت کې د طالبانو پر ځای په افغان پولیسو برید کړی وو چې په پایله کې ۸ تنو پولیسو ژوند د لاسه ورکړی وو.