په افغانستان کې طالبانو یو ځل بیا مساپر یرغمل کړي دي

په افغانستان طالبانو  یو ځل بیا  په لسګونو تنه  مساپر  د موټر نه  ښکته کړي  او یرغمل نیولي دي.

طالبانو  د هیواد په شمال کې د کندوز ولایت په لویه لار کې  نږدې ۵۰ تنه  مساپر د موټرو نه  ښکته کړي او د ځان سره  يي بیولي دي. دا پيښه  کندوز ښار ته  نږدې  رامنځته شوې ده .

د افغانستان  د کورنیو چارو وزارت  ددې پیښې پخلی کړی . د کندوز  ولایت امنیتي چارواکیو ویلي دي چې  طالبانو د کندوز د ښار په ۴۰ کیلومترۍ کې  د ملرغې په سیمه کې  ۴۷ تنه  مساپر د موټرو نه  ښکته کړي  او یرغمل کړي دي.

د ویلو ده چې  طالبانو  تیره اوونۍ  هم  د کندوز په لویه لار  نږدې  ۲۰۰ تنه مساپر  د موټرو نه ښکته کړل  چې وروسته يي  ۱۵۰ تنه  خوشې کړل  او په لسګونو تنه يي یرغمل کړل. همداشان طالبانو د یرغمل کړو کسانو نه  ۱۷ تنه  ووژل.

د کندوز ولایت امنیتي ځواکونو ویلي دي چې  د نوموړو مساپرو د ژغورولو په خاطر عملیات پیل کړي دي .