د ترکیې د ورځپاڼو سرټکي

د سټار ورځپاڼې ” په شمالي مقدونیا کې تر ټولو مشهور او خلکو ته ګران مشر ولسمشر اردوغان ټاکل شوی “ د سرلیک لاندې  لیکلي دي، د ترکیې ولسمشر رجب طیب اردوغان په شمالي مقدونیا کې په ترسره شوې نظرپوښتنه کې تر ټولو د مشهور او خلکو ته د ګران  بهرني ولسمشر په توګه ټاکل شوی دی. د ویلو ده چې  په نظر پوښتنه کې د ګډون کوونکو ۶۰ سلنه  د نړۍ د مشرانو په لست کې  ولسمشر اردوغان انتخاب کړی او خپله رای اردوغان ته ورکړې.

د ینې شفق ورځپاڼې  ” اضافه ځواکونه به واستو او سیمه به د خپل کنټرول لاندې راولو“ د سرلیک لاندې لیکلي دي، د ترکیې د ملي دفاع وزیر خلوصي اکار چې د ناټو سازمان په غونډه کې د ګډون په موخه د بلجیم  پلازمینې بروکسل ته تللی هلته يي  په ادلب کې د روانو بریدونو په اړه وویل " ترکیه په ادلب کې  دوامداره اوربند ته د زمینې برابرولو په خاطر  سیمې ته اضافه ځواکونه استوي. سیمه به  تر کنټرول لانډې  ونیسو. په ادلب کې به د افراطي  ډلو په ګډون د ټولو هغه ډلو پر خلاف چې د اوربند نه سرغړونه کوي د پوځي  عملیاتو نه کار واخیستل شي  او هر سړی به اوربند ته اړ کړو. پدې اړه به هر دول تدابیر ونیول شي.

د صباح ورځپاڼې ” د ۲۱ میاشتو ریکارډ“ د سرلیک لاندې لیکلي دي، د ترکیې د صنایع او تکنالوژۍ وزیر مصطفی ورانک ویلي دي چې  د ۲۰۱۹ کال د دسمبر په میاشت کې  د ترکیې د صنایع تولیداتو کچه ۸ عشاریه ۶ سلنې په لوړیدو سره  يي  د ۲۱ میاشت ریکارډ مات کړ.

هغه وویل چې  دا وده  په دوامدارې ودې د بدلولو په خاطر مو په تولیداتو کې ودې ته ډیره توجه کړې ده . د یو داسې کال لپاره کار کوو چې  تولیداتو وده پکې لوړه وي، ریښتنې سکتور پکې لا قوي وي  او د استخدام پکې مخ په لوړیدو وي  کار کوو.

د وطن ورځپاڼې ” د استانبول په هوايي ډګر کې ماشومانو ته د ریکشا خدمت “ د سر لیک لاندې  لیکلي دي، د استانبول په هوايي دګر کې  د داخلي او خارجي الوتکو په ترمینلونو کې  د ماشومانو والا مساپرو لپاره  په وړیا توګه د ماشومانو د ریکشا خدمات پیل شول. په هوايي دګر کې  د صفر او ۶ کلونو ترمنځه ماشومانو ته په وړیا توګه د ګرځیدو په خاطر  د ماشومانو ریکشا ورکول کیږي.

د حریت ورځپاڼې ” په غیرې قانوني توګه د ترکیې نه تښتول شوي تاریخي اثار بیرته ترکیې ته راوړل کیږي “ د سرلیک لاندې لیکلي دي، د ترکیې د کولتور او ګرځندوی وزارت  د ترکیې  د اسپارتا ولایت تاریخي اثار چې په غیرې قانوني توګه د هیواد نه بهر ته قاچاق شوي وو  بیرته هیواد ته راستنوي. د نوموړو اثارو نه یو هم  لحد تیګه ده  چې لرغرونوالی  د میلاد نه مخکې د ۲ نه تر ۳ زرو کلونو پورې رسیږي. ویل کیږي  دا د لحد تیګه  د موټر په څیر  چې د انګلستان نه به ترکیې ته راوړل شي.